ஆரா.......ரோ.......ஆரி...ரா.....ரோ......

பக்கத்து  வீட்டுக்   குழந்தை    விடாமல்    அழுது  கொண்டேயிருந்தது
கேட்டது.

" அருணா , ஏன் குழந்தை     அழுது  கொண்டேயிருக்கிறான்? "   என்று
கேட்டென்.    " தூங்க ,  இப்படித்தான்     அழுகிறான் "   என்று    கூறினாள்.  

சிறிது   நேரத்திற்கெல்லாம்,  லேட்டஸ்டான   சினிமாப்   பாட்டு   ஜன்னல்
 வழியாக   அருணா  வீட்டிலிருந்து    மிதந்து வந்தது.    குழந்தையின்
அழுகையும்    சட்டென்று    நின்றது. 

சினிமாப்    பாட்டு    தாலாட்டியதோ ?

நம்முடைய    தாலாட்டுப்    பாட்டு    என்னானது?

நகரங்களில்    பெரும்பாலான     தாய்மார்களுக்கு    தாலாட்டுப்   பாட்டு
 தெரியாது      என்றே    நினைக்கிறேன்.

அவர்களுக்கு    இருக்கும்   வேலை  சுமையில்       இதெல்லாம்     எங்கே..............
அதுவும்  இல்லாமல்   இணையம்,   t.v. , f.m ..,   என்று   எல்லாமே   தாயின்
தாலாட்டும்     சுமையை    பகிர்ந்து   கொள்கின்றன.

தாலாட்டுப்    பாடலைக்    கேட்டுக்    கொண்டே    உறங்கும்    குழந்தை
ஒரு  பெரிய    நிம்மதியுடன்     தூங்கப்   போகும்.  பாதுகாப்பற்ற    உணர்வே
இல்லாமல்   இருக்கும்.

இந்தப்    பாதுகாப்பு    உணர்வு    அந்தக்     குழந்தையின்    எதிர்காலத்தை
 நிர்ணயிக்கும்   ஒரு  பெரிய  காரணி  என்பதை    மறுப்பதற்கில்லை.
யாருக்குத்   தெரியும்    நம்  வீட்டுக்   குழந்தை    ஒரு  பெரிய    விஞ்ஞானியாகவோ  , மருத்துவராகவோ  ,   விளையாட்டு    வீரராகவோ    சாதனை  புரியலாம் .

அதற்கான   கிளாசில்    பின்னர்    சேர்க்கலாம்  ,என்று    இப்பொழுது   அதற்கான    சின்ன    விதையை  தாலாட்டின்    மூலம்   விதைக்கிறாள்.

இதையும்   தவிர    குழந்தைக்கு   என்ன   வேதனையோ?  அந்த  சமயத்தில்
 தாயின்   தாலாட்டு   பெரிய    ஆறுதல்    இல்லையா?

சில    தாலாட்டுப்   பாடல்கள்    தாயின்    உள்ளக்   கிடக்கையை    அற்புதமாக
 எடுத்துக்    கூறும்.

தன்    பிறந்த   வீட்டை    மிஸ்   பண்ணுகிறாளோ    என்று   கூடத்  தோன்றும்.
"மாமா  அடித்தாரோ   மல்லிப்   பூச்செண்டாலே"   என்ற   பாடலைப்    பாருங்களேன்  ,உங்களுக்கே    புரியும்.

தன்   குலப்   பெருமை  ,  தாத்தா பெருமை    என்று   கூறி   பாடும்  போது      ஒரு   உளவியாளர்  , போல    குழந்தையை   ஊக்குவிக்கிறாள்.


இதையெல்லாம்   தாண்டி   ஒரு  தாய்    தனக்குள்ள   வருத்தத்தை வெளிபடுத்தவும்   தாலாட்டை    உபயோகிப்பதாக    படித்திருக்கிறேன்.

அப்படி     என்றால்    அவளுக்கும்  அது   ஒரு    பெரிய   உதவி  தானே.
குழந்தையின்    மன   நலம் மட்டுமல்ல,   தன்     மன     நலமும்     அல்லவா   பேணுகிறாள்.

நம்    கலாசாரத்திலேயே     தாலாட்டு   என்று   ஒன்று  இருந்தது    என்றே   கூறலாம்.

"மண்ணு   புகழ்   கோசலை   தன்   மணி   வயிறு    வாய்த்தவனை "  என்று    ராமன்  தாலாட்டு   ,

"ஆயர் பாடி  மாளிகையில்  "   கிருஷ்ணனை   இன்னும்   சிறு    குழந்தையாகத்
 தாலாட்டிக்   கொண்டிருக்கிறோம்.


 ஆராரோ     பாடி   (குரல்   மோசமாக இருந்தாலும்)    குழந்தையின்  மனம்,  மற்றும்   உடல்  நலம்   காப்போம்.



PAATTI  STORIES  படிக்க    இங்கே   சொடுக்கவும்.படித்து   நிறை  குறை   எழுதுங்களேன்.


 image   courtesy---google.